அன்பே புது கவிதைகள்

குழந்தைகள் : …………………….
ஆண் : அன்னையின் கருவில் கலையாமல் பிறந்தாயே…..
அப்போதே மனிதா நீ ஜெயித்தாயே
அன்னையின் கருவில் கலையாமல் பிறந்தாயே…..
அப்போதே மனிதா நீ ஜெயித்தாயே
ஆண் : கஷ்டங்களை தாங்கு வெற்றி உண்டு
மேடும் பள்ளம் தானே வாழ்க்கை இங்கு
கனவுகள் காணு தூக்கம் கொன்று
நடந்திடும் என்று நம்பி இன்று……
குழந்தைகள் : முயற்சி திருவினை ஆக்கும் முயற்றின்மை
இன்மை புகுத்தி விடும்
இடுக்கண் வருங்கால் நகுக அதனை
அடுத்தூர்வ அஃதொப்ப தில்
குழந்தைகள் : வெள்ளத் தனைய மலர்நீட்டம் மாந்தர்தம்
உள்ளத் தனையது உயர்வு
தெய்வத்தால் ஆகாதெனினும் முயற்சி தன்மெய்
வருத்தக் கூலி தரும்
ஆண் : விதைக்குள் தூங்கும் ஆலமரம்
கண்ணுக்குத் தெரியாது
அது மரமாய் மாறும் காலம் வரும்
அது மண்ணுக்குள் உறங்காது
ஆண் : நீ தேடும் சிகரம் தூரம் இல்லை
நடப்பதை நிறுத்தாதே
சிறு துளிதான் இங்கே கடலாகும்
நம்பிக்கை தொலைக்காதே
ஆண் : மீண்டும் மீண்டும் பாதம் பட்டால்
பாறை கூட பாதை ஆகும்
முன்னால் வைத்த காலை நீயும்
பின்னால் எடுக்காதே…..
ஆண் : பூக்கள் பூக்க வேர்கள் தேவை
வெற்றிக்கிங்கே வேண்டும் வேர்வை
உன் கை ரேகை தேய்ந்தாலும்
உழைப்பதை நிறுத்தாதே
ஆண் : அன்னையின் கருவில் கலையாமல் பிறந்தாயே…..
அப்போதே மனிதா நீ ஜெயித்தாயே….
அன்னையின் கருவில் கலையாமல் பிறந்தாயே…..
அப்போதே மனிதா நீ ஜெயித்தாயே….
ஆண் : உன்னால் என்ன முடியும் என்று
உனக்கே தெரியாது
உன் சக்தியை நீயும் புரிந்து கொண்டால்
சாதிக்க தடை ஏது
ஆண் : முயற்சிகள் செய்து தோற்பதெல்லாம்
தோல்விகள் கிடையாது
விழுந்து விடாமல் யாரும் இங்கே
எழுந்தது கிடையாது
ஆண் : இல்லை என்ற சொல்லை கூட
இல்லை என்று தூக்கிப் போடு
நாளை உன்னை மேலே ஏற்றும்
துணிச்சலை இழக்காதே
ஆண் : வீழ்ந்தால் கூட பந்தாய் மாறு
வேகம் கொண்டு மேலே ஏறு
முந்திக் கொண்டு முன்னால் ஓடு
முயற்சியை நிறுத்தாதே……..
ஆண் : அன்னையின் கருவில் கலையாமல் பிறந்தாயே…..
அப்போதே மனிதா நீ ஜெயித்தாயே….
அன்னையின் கருவில் கலையாமல் பிறந்தாயே…..
அப்போதே மனிதா நீ ஜெயித்தாயே….
ஆண் : கஷ்டங்களை தாங்கு வெற்றி உண்டு
மேடும் பள்ளம் தானே வாழ்க்கை இங்கு
கனவுகள் காணு தூக்கம் கொன்று
நடந்திடும் என்று நம்பி இன்று……