நெகிழியினில்

பெண் : ஹா….ஆஅ ஆஅஹ் ஆ…
பெண் : நெகிழியினில் நெஞ்சம் கொண்டே
உனை விலகி போனவள்
நெருங்கி வர ஆசை கொண்டு
உயிர் இளகி நிற்கிறேன்
அணையும் திரி தூண்டிட
ஒளி மீண்டிட எனை தீண்டிடு உயிரே
இவளின் துயர் தீர்த்திட
வழி சேர்த்திட விரல் கோர்த்திடு உயிரே
ஆண் : நாலாபுறமும் நாலாயிரம் நீ
ஆனாலும் உன்னை ஏன் தேடினேன்
பெண் : நெகிழியினில் நெஞ்சம் கொண்டே
உனை விலகி போனவள்
நெருங்கி வர ஆசை கொண்டு
உயிர் இளகி நிற்கிறேன்…
ஆண் : ஹா…ஆஅ…. ஹா…ஆஅ…. ஹா…ஆஅ…. .
ஆண் : ஹே பவள பாறை படலம் போலே
மனதில் நிறைந்தாய்
இமைகள் மூடி திறக்கும் முன்னே
எதனால் மறைந்தாய்
பெண் : உண்மையில் உன் உண்மையில்
என் காதலை பிரிந்தேன்
இன்மையில் உன் இன்மையில்
உன் கண்மையை அறிந்தேன்
கடந்தோடிடும் கணம் யாவிலும்
எனதேக்கமே கணக்கோ
ஆண் : நெகிழியினில் நெஞ்சம் என்றாய்
நெருப்பை ஏன் கேட்கிறாய்
நெருஞ்சி முல்லை போலே நின்றேன்
நெருங்கி வர பார்க்கிறாய்
ஆண் : ஹா…ஆஅ…. ஆஅ…ஆஅ….
பெண் : உலகம் அறியா குழந்தை எனவே
உனை நான் நினைத்தேன்
உனையே உலகம் வணங்கும் பொழுது
என் மடமை உணர்ந்தேன்
ஆண் : மாற்றிட எனை மாற்றிட
இந்த பூமியே நினைக்க
காதலே நீ மாறினாய்
இதை எங்கு நான் உரைக்க
பெண் : எனை ஏற்றிடு உனை ஊற்றிடு
உயிர் ஏற்றிடு உயிரே
பெண் : நெகிழியினில் நெஞ்சம் கொண்டே
ஆண் : நெருப்பை ஏன் கேட்கிறாய்
பெண் : நெருங்கி வர ஆசை கொண்டு
ஆண் : உயிர் இளகி நிற்கிறாய்
பெண் : அணையும் திரி தூண்டிட ஒளி மீண்டிட
ஆண் : உனை தீண்டுவேன் அழகே
பெண் : உனது விழி பார்த்திட விரல் கோர்த்திட
ஆண் : துயர் தீர்ந்திடும் உயிரே
ஆண் மற்றும் பெண் :
நாலாபுறமும் நாலாயிரம் நீ
ஆனாலும் உன்னை ஏன் தேடினேன்
ஆண் : ஓ ஓ ஹோ ஓஒ……