ஜீவனே ஜீவனே

பாடகர் : இளையராஜா

இசை அமைப்பாளர் : இளையராஜா

ஆண் : ஜீவனே ஜீவனே
எங்கு போனாயோ
கேட்குதே உன் குரல்
நேரில் வாராயோ

ஆண் : கண்களில் உன் முகம்
எந்தன் முன் தோன்றுதே
காலடி தேடியே
பாதைகள் நீளுது
நான் ஓய்ந்திடாமல் தேடி வந்து
உன்னை சேருவேன்…

ஆண் : ஜீவனே ஜீவனே
எங்கு போனாயோ
கேட்குதே உன் குரல்
நேரில் வாராயோ..ஓ…

ஆண் : தீபம் என
சுழலும் விழி சுடரொளி
உனை காற்றினிலும்
அனைய விட மாட்டேன்

ஆண் : உயிருக்குள்ளே
உயிர் கலந்த உயிர் ஒளியே
உனை ஒரு பொழுதும்
வெளியில் விட மாட்டேன்

ஆண் : எனக்குள் உன்னை தூங்க வைத்து
எனது மூச்சால் மூடுவேன்
இரவும் பகலும் விழித்து இருந்து
உன்னை பார்த்தே வாழ்வேன்
நான் ஓய்ந்து ஓய்ந்து போகும் போதும்
உன்னை தேடுவேன்

ஆண் : ஜீவனே ஜீவனே
எங்கு போனாயோ
கேட்குதே உன் குரல்
நேரில் வாராயோ

ஆண் : கருவறையில்
உறங்கும் ஒரு குழந்தை என
என் இதயத்திலே
உனை சுமந்து வாழ்வேன்

ஆண் : கடவுள் வந்து
எதிரில் நின்று கேட்டாலும்
நான் எனை தருவேன்
உன்னை தர மாட்டேன்

ஆண் : காலம் நன்றே என்று ஆக
உன்னை கண்டேன் கண்மணி
சோகம் இன்றே நின்று போக
வந்து சேர்ந்தாய் கண்மணி
இது காதல் காலம் வாழ்த்தும் கீதம்
எங்கும் கேட்குதே..ஏ…

ஆண் : தேவியே தேவியே
தென்றல் தாலாட்ட
சோகமே தீர்ந்ததால்
நெஞ்சில் தேன் ஊற

ஆண் : மயில்களின் இறகினால்
உன் முகம் வருடுதே
காதலின் அமுதினை
இதயத்தால் பருகுதே
அந்த காதல் தேவன் ஆணை
என்று சொல்வதாரடி..இ….

ஆண் : {நானாநானா னா நானா
நானா னா னா னா} (2)