எம் தந்தை

ஆண் : சிங்கம் என்றால் எம் தந்தைதான்
செல்லம் என்றால் எம் தந்தைதான்
கண் தூங்கினால் துயில் நீங்கினால்
எம் தந்தைதான் எம் தந்தைதான்
எல்லோருக்கும்
அவர் விந்தைதான்
ஆண் : விண்மீன்கள்
கடன் கேட்கும்
அவர் கண்ணிலே
வேல் வந்து விளையாடும்
அவர் சொல்லிலே
ஆண் : அவர் கொண்ட புகழ் எங்கள்
குலம் தாங்குமே
அவர் பேரை சொன்னாலே
பகை நீங்குமே
ஆண் : அழியாத உயிர் கொண்ட
எம் தந்தையே
அழியாத உயிர் கொண்ட
எம் தந்தையே
ஆண் வடிவில் நீ என்றும்
எம் அன்னையே
ஆண் : வீரத்தின் மகன் என்று
விழி சொல்லுமே
வேகத்தின் இனம் என்று
நடை சொல்லுமே
ஆண் : நிலையான மனிதன் என
வேர் சொல்லுமே
நீதானே அசல் என்று
ஊர் சொல்லுமே
ஆண் : உன் போல சிலர் இன்று
உருவாகலாம்
உன் உடல் கொண்ட அசைவுக்கு
நிகர் ஆகுமா
ஆண் : எப்போதும் தோற்காது
உன் சேவைதான்
இருந்தாலும் இறந்தாலும்
நீ யானைதான்
ஆண் : கண்டங்கள் அரசாலும்
கலைமூர்த்திதான்
கடல் தாண்டி பொருள் ஈட்டும்
உன் கீர்த்திதான்
ஆண் : தலை முறைகள் கழிந்தாலும்
உன் பேச்சுதான்
தந்தயெனும் மந்திரமே
என் மூச்சுதான்
ஆண் : சிங்கம் என்றால் எம் தந்தைதான்
செல்லம் என்றால் எம் தந்தைதான்
கண் தூங்கினால் துயில் நீங்கினால்
எம் தந்தைதான் எம் தந்தைதான்
எல்லோருக்கும்
அவர் விந்தைதான்