சிறு புன்னகை

பாடகர் : வி. பிரசன்னா

இசை அமைப்பாளர் : சபேஷ் முரளி

ஆண் : சிறு புன்னகை
ஒருவரின் முகவரி
அதில் கரைந்திடும்
பிறர் மனம் அபகரி

ஆண் : உறவு தொடங்குவதும்
உயிர்கள் பழகுவதும்
இனிய கவிதை என நினைக்கிறேன்
அவளின் அணுகுமுறை
பழகும் இயல்பு நிலை
கலந்த நிமிடங்களை ரசிக்கிறேன்

ஆண் : சில நாட்கள் தீண்டும் நினைவிலே
பள்ளி வாழ்க்கை மீண்டும் மனதிலே
அவள் பேசும் பேச்சைக்
கேட்க கேட்க புதுமையே
அந்த நேரம் மீண்டும்
வாய்த்திடாத இனிமையே

ஆண் : சிறு புன்னகை
ஒருவரின் முகவரி
அதில் கரைந்திடும்
பிறர் மனம் அபகரி

ஆண் : வரவு செலவுகளில்
குறையும் பொழுதுகளை
புதிய உறவுகளில் நிறைத்திடு
அறிவு வெளியுலகில்
அடையும் அவஸ்தைகளை
பொழியும் நிலவொளியில் பொசுக்கிடு

ஆண் : இன்பம் யாவும் காட்டும்
மனத்திரை
நம்மை மாற்றும் காலம் வகுப்பறை
இதில் பாடம் கேட்கும்
நீயும் நானும் ஒருவனே
நம்மை தேர்ச்சியாக்கும்
தோழன் யாரு இறைவனே

ஆண் : சிறு புன்னகை
ஒருவரின் முகவரி
அதில் கரைந்திடும்
பிறர் மனம் அபகரி