நிலவு ஒரு பெண்ணி

பாடகர் : டி.எம். சௌந்தரராஜன்

இசையமைப்பாளர் : எம்.எஸ். விஸ்வநாதன்

ஆண் : { நிலவு ஒரு
பெண்ணாகி உலவுகின்ற
அழகோ நீரலைகள் இடம்
மாறி நீந்துகின்ற குழலோ } (2)
நீந்துகின்ற குழலோ

ஆண் : { மாதுளையின் பூ
போலே மலருகின்ற
இதழோ } (2)
மான் இனமும் மீன்
இனமும் மயங்குகின்ற
விழியோ

ஆண் : நிலவு ஒரு
பெண்ணாகி உலவுகின்ற
அழகோ நீரலைகள் இடம்
மாறி நீந்துகின்ற குழலோ
நீந்துகின்ற குழலோ

ஆண் : { புருவம் ஒரு
வில்லாக பார்வை
ஒரு கணையாக } (2)
பருவம் ஒரு தளமாக
போர் தொடுக்க பிறந்தவளோ

ஆண் : { குறுநகையின்
வண்ணத்தில் குழி
விழுந்த கன்னத்தில் } (2)
தேன் சுவையை தான்
குழைத்து கொடுப்பதெல்லாம்
இவள் தானோ

ஆண் : நிலவு ஒரு
பெண்ணாகி உலவுகின்ற
அழகோ நீரலைகள் இடம்
மாறி நீந்துகின்ற குழலோ

ஆண் : பவளமென விரல்
நகமும் பசும் தளிர் போல்
வளைகரமும்

ஆண் : தேன் கனிகள்
இரு புறமும் தாங்கி
வரும் பூங்கொடியோ

ஆண் : { ஆழ்கடலின்
சங்காக நீள்கழுத்து
அமைந்தவளோ } (2)
யாழிசையின் ஒலியாக
வாய்மொழி தான்
மலர்ந்தவளோ

ஆண் : நிலவு ஒரு
பெண்ணாகி உலவுகின்ற
அழகோ நீரலைகள் இடம்
மாறி நீந்துகின்ற குழலோ

ஆண் : செந்தழலின் ஒளி
எடுத்து சந்தனத்தின்
குளிர் கொடுத்து

ஆண் : பொன்பகட்டில்
வார்த்துவைத்த
பெண்ணுடலை
என்னவென்பேன்

ஆண் : { மடல்வாழை
தொடை இருக்க மச்சம்
ஒன்று அதில் இருக்க } (2)
படைத்தவனின் திறமை
எல்லாம் முழுமை பெற்ற
அழகி என்பேன்

ஆண் : நிலவு ஒரு
பெண்ணாகி உலவுகின்ற
அழகோ நீரலைகள் இடம்
மாறி நீந்துகின்ற குழலோ
நீந்துகின்ற குழலோ